حجِّ نبوی صلی اللہ علیہ وسلم

زیر تبصرہ کتاب ’’حج نبوی‘‘ محد ث العصر علّامہ ناصر الدین البانی رحمہ اللہ کی حج کےموضوع پر جامع ترین کتاب ’’ صفۃ حجۃ النبی ﷺ منذ خروجہ من المدینۃ الیٰ رجوعہ‘‘ یا’’حجة النبي صلى الله عليه وسلم كما رواها عنه جابر رضي الله عنه‘‘کا سلیس اردو ترجمہ ہے ۔اس کتاب میں شیخ البانیؒ نے حدیث جابررضی اللہ عنہ کی روشنی میں نبی صلی اللہ علیہ وسلم کے حجِ مبارک کے احوال کو اس طر ح ترتیب دیا ہے کہ اس کتاب کو پڑھنے والا یہ سمجھتا ہے کہ حج کے پورے سفر میں ہم رسول اکرم صلی اللہ علیہ وسلم کے ساتھ تھے۔ سفرحج کےدوران پیش آنے والے تمام واقعات، آپ کے خطبے، سوالوں کےجوابات، مناسک حج ، دیگر مفید معلومات اور عجیب وغریب نکت اور ظرائف سے شیخ نے اس کتاب کو پُر کشش بنایا اورحسب ِعادت احادیث کی صحت وعدم صحت کے ریمارکس بھی دئیے ہیں۔ اور کتاب کے آخر میں حج کے موقع پرکی جانے والی بدعات وخرافات کی بھی نشاندہی کردی ہے۔ اس اہم کتاب کےترجمہ کی سعادت پاکستان کے معروف عالم دین شیخ الحدیث، مفسر قرآن ،مصنف و مترجم کتب کثیرہ مولانا محمد صادق خلیل رحمہ اللہ نےحاصل کی ہے۔ اللہ تعالیٰ مصنف ومترجم کی تمام دینی کاوشوں کو قبول فرمائے اور انہیں جنت الفردوس عطا فرمائے۔ آمین(م۔ا) By: محمد ناصر الدين الألباني, شفیق الرحمن ضیاء اللہ مدنی, محمد صادق خلیل Source: IslamHouse.com · محمد ناصر الدين الألباني, شفیق الرحمن ضیاء اللہ مدنی, محمد صادق خلیل