LibraryBelgeler
Wajabcin Yaqar Bidi’a
littafine mai magana akan Wajabcin Yaqar Bidi’a da wasu abubuwa masu mahimmanci By: Umar Muhammad Labdo Source: IslamHouse.com · Umar Muhammad Labdo
Kitaptan
Metnin ilk sayfaları. Tamamını okumak için yukarıdaki kitabı açın.
1
Jerin Littafan Shi’a Na 10
Wajabcin
Yaqar Bidi’a
Umar Labxo
2
بسم هللا الرحمن الرحيم
Gabatarwa
Godiya ta tabbata ga Allah Ubangijin talikai. Tsira da aminci su tabbata ga
shugabanmu Annabi Muhammad da Alayensa da Sahabbansa da waxanda suka bi
Sunnarsa har zuwa ranar sakamako.
Bayan haka, wasu ‘yan uwa Musulmi suna ganin cewa kira zuwa ga tafarkin
Sunna, da yaqar bidi’a, wata tsatsuba ce da qaqale da tsaurin ra’ayi. Wasu ma suna
ganin irin wannan kira kalan faxa ne da neman tashin hankali. Irin waxan nan
mutane suna ganin cewa, ya isa su zama su Musulunci ne kawai; ba ruwansu da
wata Sunna! Suna zaton cewa ita ma Sunna wata qungiya ce kamar sauran
qungiyoyi, saboda haka kira zuwa ga Sunna, a ganinsu, kira ne zuwa ga
qungiyanci, haka nan bin Sunna bin wata qungiya ne!
Babu shakka wannan fahimta da wannan ra’ayi suna nuna rashin sani a fili.
Abu na farko da masu irin wannan fahimata suka jahilta shi ne cewa, Sunna ita ce
Musulunci, domin ma’anar Sunna shi ne tafarkin Annabi (SAW). Bidi’a kuma,
kamar yadda abin yake hatta a karin maganar Hausawa, ita ce kishiyar Sunna.
Saboda haka ita kishiyar Musulunci ce.
A haqiqa, duk wanda ya san ma’anar Sunna, ya san abinda Allah
Maxaukaki ya faxi dangane da Sunna, ya san abinda Manzon Allah (SAW) ya faxi
dangane da Sunna, ba zai tafi a kan waccan fahimta da wancan ra’ayi da aka
ambata a sama ba.
Haka nan, duk wanda ya san ma’anar bidi’a, ya san abinda Allah Maxaukaki
ya faxi dandgane da bidi’a, ya san abinda Manzon Allah (SAW) ya faxi dangane
da bidi’a, ba zai yi bidi’a ba, ba zai yi wasa da yaqar bidi’a ba.
Don haka, a taqaice, rashin sani shi ne babban abinda yake hana mutane bin
Sunna, kuma shi ne babban abinda yake sa mutane yin bidi’a.
3
Idan haka ne, ashe ya zama wajibi a kan malamai, da almajirai irina, su tashi
tsaye wajen ilmantar da mutane da sanar da su ma’anar Sunna da matsayinta da
kuma ma’anar bidi’a da sharrinta.
Wata fahimta kuma da wani ra’ayi da rashin sani ya haifar shi ne zaton
cewa, Sunna baquwa ce a qasar nan, bidi’a ita ce mai asali, ‘yar gida.
Mutane da yawa da an ce “Sunna” abinda yake fara zuwa qwaqwalensu shi
ne “Izala”, ko kuma “Salafiyya.” Irin waxan nan mutane yawanci ba su san kome
ba dangane da Shaihu Usman Xanfodiyo da tajdidinsa da jihadinsa. Ba su san cewa
tutocin da suke kaxawa a Kanwuri (fadar Sarkin Musulmi a Sakkwato) da Qofar
Kudu (fadar Sarkin Kano) da Qofar Fada (fadar Sarkin Katsina) da sauran fadojin
sarakunan Musulunci na qasar Hausa, duka an qulla su ne a kan Sunna ba. Ba su
san cewa, wanan al’ummar, ina nufin al’ummar Musulmin Nijeriya, wacce ta kafu
a sakamakon jihadin Xanfodiyo da tajdidinsa, an gina ta ne a kan durakun Sunna
ba.
Wanda duk ya san matsayin Sunna a tajdidin Xanfodiyo da jihadinsa, ya san
yadda raya Sunna da kashe bidi’a (Ihiya’us Sunna wa Ikhmadul Bidi’a) ya zama
qashin bayan gwagwarmayar Shaihu da jihadinsa da tajdidinsa da daular da ya kafa
da al’ummar da ya haifa,1 ba zai xauki Sunna a matsayin baquwa ba, ko kuma ya
xauka cewa Izala ce ta kawo Sunna.
Ke nan matsalar duka ta rashin sani ce da jahilci. Saboda haka maganinta shi
ne yaxa ilmi da yaqar jahilci. Wannan kuma shi ne manufar wannan xan qaramin
littafi: yaxa ilmi dangane da ma’anar Sunna da muhimmancinta, da kuma yaqar
jahilci da sharrin bidi’a. Bayan karatun wannan littafi, ana fata, dalili zai bayyana a
fili don me ya zama wajibi mu yaqi bidi’a, mu yaxa Sunna.
Muna roqon Allah Maxaukaki ya arzuta mu da tsarkin niyya da kyakkyawar
fahimta da aiki mai nagarta.
1 Domin ganin wannan, sai a duba littafinmu Rayuwar Shehu Danfodiyo da Ayyukansa.
Yorumlar
Henüz yorum yok. Faydalı bir düşünceyi ilk paylaşan siz olun.
İlgili
WAJABCIN AIKI DA SUNNAR ANNBIN ALLAH TSIRA DA AMINCIN ALLAH SU TABBATA A GARESHI DA KAFIRCIN WANDA Y
islamicmedia.tv
6 views · 5 months ago
Mugun Nufin ‘Yan Shi’a ga Al’umma
islamicmedia.tv
5 views · 5 months ago
Matsayin Musulmi a wajen ‘Yan Shi’a
islamicmedia.tv
8 views · 5 months ago
Aqidar Ahalus Sunna
islamicmedia.tv
4 views · 5 months ago
Aqidar Khumaini da Koyarwarsa
islamicmedia.tv
4 views · 5 months ago
Zuwan Shi’a Nijeria
islamicmedia.tv
6 views · 5 months ago
Ahalul Baiti a mahangar Yan Shi’a da Ahalus Sunna
islamicmedia.tv
6 views · 5 months ago
Tauhidi Haqqin Allah A Kan Bayinsa
islamicmedia.tv
6 views · 5 months ago
WA YA KASHE HUSSAINI?
islamicmedia.tv
7 views · 5 months ago
Auren Mutu’a a wajen Yan Shi’a
islamicmedia.tv
7 views · 5 months ago